Informative Urdu Article

کلاس ٹیچر حیران و پریشان تھے

سوال اتنا آسان تھا کہ نرسری کے بچے کو بھی اس کا جواب دینا مشکل نہ لگے مگر

کلاس کا سب سے لائق اور محنتی طالبِ علم تقریباً آدھا گھنٹہ گزر جانے کے باوجود بھی

اس سوال کا جواب نہیں دے پا رہا تھا

استاد نے وہی سوال دوبارہ دہرایا

“بتاؤ ہمارے اور آپ کے آخری نبی صلی الله عليه وآلہ وسلم کا کیا اسمِ گرامی مبارک کیا ہے؟

لیکن شاگرد پھر بھی خاموش کھڑا تھا اور سوال کا جواب نہیں دے پا رہا تھا

اسی اثناء میں اسلامیات کے ٹیچر بھی آ چکے تھے

اب دونوں اساتزہ نے بچے سے سوال کا جواب دوبارہ حاصل کرنے کی کوشش کی

مگر بےسود رہے بچہ نظریں جھُکائے خاموش کھڑا رہا

بچہ مکمل خاموش تھا

اساتذہ کی طرف سے کی گئی پٹائی اور ڈراؤ دھمکاؤ بھی بچے سے سوال کا جواب نہیں دلوا سکی

بچے کے دونوں گال اساتزہ کے تھپڑ کھا کھا کر لال پیلے ہو چکے تھے اور سوج بھی گئے تھے

ایک ہونٹ بھی پھٹ چکا تھا اور اس سے خون نکل رہا تھا

سکول کے پرنسپل صاحب کو بھی بلالیا گیا اور انکی تمام تر کوششیں بھی رائیگاں جانے لگیں آخر کار

اساتزہ نے تھک ہار کر کہا کہ ابھی بریک کا وقت ہے بریک کے بعد اگر اس بچے نے

سوال کا جواب صحیح سے دے دیا تو ٹھیک ورنہ اسے سکول سے نکال دیا جائے گا

بریک گزر جانے کے بعد سکول کے سارے اساتزہ اور بچوں کو اکٹھا کیا گیا اور

اس طالبعلم کو بلایا گیا اس بچے کا چہرہ دُھلا ہوا تھا اور چہرہ روشنی کی طرح چمک رہا تھا

ہیڈ ماسٹر صاحب نے وہی سوال دوبارہ کیا کہ

بتاؤ ہمارے اور آپ کے آخری نبی صلی الله عليه وآلہ وسلم کا اسمِ گرامی مبارک کیا ہے؟

“حضرت محمد مصطفٰی صلی الله عليه وآلہ وسلم “

بچے نے انتہائی پرسکون بھرے لہجے اور احترام سے جواب دیا

سب حیران ہوگئے کہ یہ جواب تو بچہ پہلے بھی تو دے سکتا تھا پھر

اس نے اتنی مار اور سختی کیوں برداشت کی؟

تم یہ جواب پہلے بھی دے سکتے تھے لیکن کیوں نہ دیا؟ اور اتنی مار پٹائی بھی برداشت کی

آخر پرنسپل صاحب نے پوچھا بچے کا جواب سب کے اعصاب پر کسی بجلی کی طرح گرا

” اس وقت میں باوضو نہیں تھا “

ماشاءاللّٰہ کچھ لوگ اپنی اولاد کی تربیت کتنی اچھی کرتے ہیں

بے شک یہی لوگ اللہ کے ہاں انعام کے مستحق ہیں

اللہ پاک ہم سب کو بھی نبی پاک صلی اللہ علیہ والہ وسلم سے سچی محبت نصیب فرمائے-آمین